Gad Nassi

Articles in Judeo-Spanish (randomly selected)

Meshal haKadmoni: La Fabula en la Promosion del Ebreo i de su Erensia Okulta

Nasido en 1244, Isaac ibn Sahula fue un poeto, erudito, mediko i kabalisto. Bivio en Guadalajara, Castilla, durante el reyno de Alfonso el Savio, i izo parte del siklo de kabalistos de su tyempo .

Fue edukado en estudios rabinikos tradisionales i en medisina. Viajo de lugar en lugar en pratikando la medisina i en 1281 estuvo en Ayifto. Su ovra mayora, Meshal haKadmoni – Fabula de la Antikidad – redijida en ebreo en proza rimada, en el estilo arabo de makkama , es formada de fabulas i de konsejas otentikas, kon alegorias i parodias de orden bibliko o leyendario. Aparte de su valor literaria, esta ovra mos informa sovre la persepsyon por los djudios del klimato intelektual i kultural, en elkual la Kabala klasika avia nasido i efervesado.

La Promosion del Ebreo

Pic 01Meshal haKadmoni, Brescia, c. 1450En el siglo XIII, livros de leyendas en arabo eran muy populares en Espania. Entre estos, Kalila i Dimna , ansi ke Los Viyajes de Sindbad el Marinero. Los djudios uzavan meldar sus versiones en arabo o en latino.

En la introduksion de su ovra, ibn Sahula eksplika las razones ke lo pusharon a eskrivirla: su amor por la lingua ebrea; el nivel moral de su puevlo; la nesesidad de su retorno a sus raizes djudias; i, provar la valor de la kreasion literaria en ebreo en tanto ke alternativa al intereso de su puevlo por la literatura ajena – partikularmente, en arabo .


La Ironia de la Konversion: El Ropero de Cordoba

La persekusion de los djudios ke avia desbrochado en Sevilia, en el anio 1391, se propajo a Kastilia, Aragon i a otros lugares. Miles de djudios fueron masakrados o baptizados. Estas agresiones fueron segidas por la represion del Estado i de la Eglisia.

Durante la perioda de unos syen anios, empesando de 1391 fin'a la proklamasion de la Ekspulsion, munchos djudios espanioles se konvertieron al Kristianizmo. La gravidad de sus persekusiones es eksprimido por Reuben, ijo del Rabino Nisim Gerundi i un sobrebivor de los masakros:


Sovre la prensa djudia en Turkia, La mision de una lingua en embaraso

Version adaptada de "La Prensa Sefardi en Turkia" konferensia prezentada en las Sextas Jornadas Sefardíes en la Rioja, Fundación San Millán de la Cogolla, Noviembre 10-13, Logroño, Espanya, El Amaneser, Desiembre 2008, Enero 2009, Februar 2009.

Download original publication (pdf, 2.2mb)


La Falsa Korespondensia entre los Djudios de Arles i los de Estambol

Aki Yerushalayim, 27, 8, Oktobre 2006.

Publication in "Aki Yerushalayim" website


El Inkizidor Asasinado: Pedro De Arbués

Aki Yerushalayim, 28, 82, Oktobre 2007.

Publication in "Aki Yerushalayim" website


El rabino Hayim Abulafia i la aliya de los djudios de Izmir a Tiveria

Aki Yerushalayim, 27, 81, Avril 2007.

Publication in "Aki Yerushalayim" website